الحضانة هي مرحلة مبكرة تسبق التعليم الأساسي وفيها يتعلم الطفل الكثير من الأشياء التي ترسخ في ذهنه وتعلمه قواعد للمستقبل ، ومن الأشياء التي يحفظها الأطفال بسهولة:
اصحى يا شمس بدرى
خلى البحر يغلى
يطلع منه بخار
يبقى سحاب طيار
يجى الريح ويشيله
يتخانق ويا زميله
يحصل رعد وبرق
يجى الخير والسعد.
وأيضا:
بسم الله بسم الله ** احلى كلام اتعلمناه
لما نأكل لما نشرب ** لازم كلمة بسم الله
لما نقرأ لما نكتب ** لازم كلمة بسم الله
لما نجرى لما نلعب ** لازم كلمة بسم الله
بسم الله بسم الله ** احلى كلام اتعلمناه
وكذلك :
محمد نبينا **- * أمه آمنه
أبوه عبد الله **- * مات ما رآه
جده اللى رباه
أبو طالب عمه **- * كان بيخفف عنه
ستنا حليمه **- * مرضعة نبينا
لما تشوفه تقوله **- * جانا السعد كله
صلى الله على محمد صلى الله عليه وسلم.
——‐—‐——————————-
رايح فين يا حماده **- * رايح اجيب شوكلاتة
انت ومين ياحماده **- * انا و ماما و بابا
شوفوا ماما جابتلى إيه **- * نونو صغير ياختى عليه
ياللا نبوسه من ايديه **- * ونعلمه أ-ب-ت-ث-ج-ح-خ …الخ
انا الفيل ابو زلومه
زلومتى طويله طويله
اخد بيها المايه وارش
رشه ورشه زى الدش
انا زعلان انا زعلان
جدا جدا من الانسان
لما ندانى ابرهه
روح للكعبه وهدها
انا مرضتش عشان الله
قولوا يا ولاد سبحان الله
سبحان الله سبحان الله
—‐——————————————–
الحضانة حلوه **- * بتعلمنا غنوة
شمر أيدك شمر **- * ابنى معايا وعمر
ابنى مسجد عالى **- * هو املنا الغالى
و احنا ياهنانا **- * اطفال الحضانة
الميس بتوصينا **- * نحب بعضينا.
مين شاف ارنبتي سونيه **- * اجمل ارنبه فى الدنيا
فروتها حرير فى حرير **- * وخفيفه تنط كتير
ساعة العصريه تمام **- * تجرى لجحرها وتنام
واحد اتنين واحد اتنين **- * كان في راجل مسكين
تلاته اربعه تلاته اربعه **- * كل هدومه متقطعه
خمسه سته خمسه سته **- * اديتو من عندي جاكته
سبعه تمانيه سبعه تمانيه **- * بقي اسعد انسان ف الدنيا
تسعه عشره تسعه عشره **- * يابخت الي يساعد الفقره.
كان فى ارنب طالع يلعب بره البيت
لقى فتفوته من بسكوته جنب الحيط
اكلها بسرعه وبعد شويه قال اه يابطنى هتموتنى
جوله اصحابه ادوله حقنه حقنه كبيره حرم ياكل بره البيت.
السما فين؟ **- * فوق فوق
والارض فين؟ **- * تحت تحت
انتم وحشين؟ **- * لالالا
انتم حلوين؟ **- * اه اه
الايد دى كام؟ **- * خمسه
والايد دى كام؟ **- * خمسه
يالا نحط ايد على ايد **- * يبقوا عشره بالتاكيد.
طيارتنا الحربيه **- * ادت اعمال بطوليه
الطيار كان فيها **- * طالع نازل بيها
يضرب ع الاهداف **- * ابدا عمره ما خاف.
ان شاء الله يادوله تكبر
تكبر حبه حبه **- * تكبر ذى الحبه
حبة القمحايه **- * والسنه الجايه
هولع شمعايه ***- **على راس التورتايه
و انا هحكى حكايه **- * و انت تكبر معايه.
القطة بتنونو ……نونونونونو
والعصفور بيصوصو ……صوصوصوصو
والفرخة بتكاكى ……كوكوكوكو
والبوبو بيهوهو ….هوهوهوهو
القطة..القطةcat …لها قصة عاملة فيونكات
وصاحبها الفار فرافيرو …يعاكسها تخربش مناخيرو
الفار.. الفار rat
والبحر..البحر sea و النورس بيطير فوقيه
والشجرة..الشجرةtree وورقها أخضر تلاقيه
وال monkey ده يبقى القرد يتشعبط على غصن الورد
وف ثانية يقع عالأرض.
تعالى يا ميه ..تعالى عندنا
اتوضا بيكِ …واصلى لربنا
ابعد ابعد يا شيطان …قلبى عامر بالايمان
اول ما اسمع الآذان …..أصلى أصلى للرحمن.
——————————‐—————-
احنا قطتيتن
حلوين وصغيرين
انا اسمى مشمشة …وانا اسمى ملبسة
مع بعض نروح المدرسة
نتعلم أ ب
وال خ و ال ث و ال ف
نآخد قطة بطة
ونعد لغاية عشرة
1 2 3 4 5 6 7 8 9 10
