أنواع الخبر

* أنواع الخبر
الجملة الاسمية تتكون من ركنين المبتدأ والخبر ،المبتدأ بداية الجملة سيبك منه
الخبر بقي ؟؟؟
٣ أنواع :
١- مفرد
٢- جملة
٣- شبه جملة

١- الخبر المفرد:
ليس معني المفرد هنا هو شخص واحد أو شئ واحد ولكن معناه أن تكون الكلمة واحدة أمام أعيننا من حيث الشكل.
الولد مجتهد
الولدان مجتهدان
الأولاد مجتهدون.
سيبك من المبتدأ الولد
فين الخبر
مجتهد ،مجتهدان،مجتهدون
طيب كام كلمة قدامنا؟؟
واحدة ،واحدة ،واحدة
يبقي نوع الخبر في التلات جمل خبر مفرد
والاعراب خبر مرفوع بالواو أو الألف أو الضمة.

– ٢ الخبر الجملة :
أول ما نسمع كلمة جملة نفتكر حاجتين اسمية وفعلية .
المعلم شرحه جميل
المعلم مبتدأ،فين خبره؟
المعلم ماله؟
شرحه جميل
اذن (شرحه جميل ) كلها علي بعضها خبر ،مينفعش شرحه لوحدها؟ لا
طب جميل لوحدها؟ لا
يبقي الخبر مش كلمة واحدة يبقي مش مفرد يبقي خبر جملة ،طب جملة ايه؟
هو اوله اسم ولا فعل ؟
اسم
يبقي اسمية ،يبقي خبر نوعه جملة اسمية.

البنت تلعب الكرة
البنت مبتدأ مليش دعوة بيه
البنت مالها؟
تلعب
اذن الخبر تلعب
ودا جملة فعليه لان بدأت بفعل

٣- الشبه جملة
العصفور فوق الشجرة .
العصفور علي الشجرة
العصفور مبتدأ ، ماله؟
فوق الشجرة وعلي الشجرة
يبقي دا خبر
مفرد ؟ لا
جملة اسمية ؟ لا مبدأش باسم
جملة فعليه ؟ لا مبدأش بفعل
يبقي دا شبه جملة

— تمرين :
* حدد نوع الخبر:
الحياة مشاكلها كثيرة.
الوردتان جميلتان.
الربيع جوه رائع .
الرجل ينام مبكرا.
الطائر علي الشجرة.
الطائر فوق الشجرة.

شاهد أيضا : الحال – المضاف إليه