الجملة الاسمية دائما تبدأ باسم ،طبعا عارفين اي هو الاسم .. ال
وبتتكون من ركنين أساسين، مبتدأ وخبر
…. عارف الكلمة الأولي ال بتبدأ بيها ال بنقول عليها اسم هي دي المبتدأ.
أول ما توصل ليه ،امسكه من قفاه وقول عليه ماله ،الإجابة هي الخبر
ازاي ؟؟؟
الولد نشيط
الجملة بدأت باسم يبقي اسمية ،يبقي الاسم ال بدأت بيه نقول عليه مبتدأ تمام
طب الخبر؟
امسك كدا المبتدأ
حاضر
اسمه ايه
الولد
تمام ،هنقول الولد ماله؟
جاوب
نشيط، يبقي نشيط هي الخبر.
- الرجل الطويل رحيم.
جملة اسمية
مبتدأ: الرجل ،ماله؟ رحيم
يبقي الخبر ،رحيم
طب والطويل ،لا دي صفة الرجل وهو مش عاوز يقولي كدا ،دا عاوز يقولي انه رحيم
لو عاوز يقول أنه طويل ،هيقول
الرجل طويل
الرجل مبتدأ،طويل خبر.
– تمرين :
حدد المبتدأ والخبر ،ركني الجملة الاسمية:
١- الحياة رائعة.
٢- الشمس الذهبية مشرقة.
٣- الكتاب ألوانه مبهرة.
٤- الفلاح يحصد الأرض.
إعراب الجملة الاسمية :
الكلمة الأولي بنقول عليها
مبتدأ مرفوع وعلامة رفعه
١- لو الكلمة اخرها ( ون) نقول الواو.
٢- لو أخرها ( ان ) نقول الألف.
٣- لو أخرها أي حروف تانية يبقي الضمة.
والخبر نقول عليه خبر مرفوع
١- لو اخره (ون) نقول الواو.
٢- لو اخره ( ان ) نقول الألف.
٣- أي حروف تانية نقول الضمة.
مثال:
الولدان محبوبان
الولدان : مبتدأ مرفوع وعلامة رفعه الألف
محبوبان : خبر مرفوع وعلامة رفعه الألف.
مثال ٢:
العاملون منظمون
العاملون : مبتدأ مرفوع وعلامة رفعه الواو.
منظمون: خبر مرفوع وعلامة رفعه الواو.
* مثال ٣:
الأب عظيم
الأب: مبتدأ مرفوع وعلامة رفعه الضمة.
عظيم: خبر مرفوع وعلامة رفعه الضمة.
شاهد أيضا : انواع الجمل
التنبيهات : الجملة الفعلية - المفكر